Hasteko:
Idatzi aurretik PENTSATU, txorakeri bat dirudi baina askotan idazten hasten gara zer idatziko dugun jakin gabe. Lagungarria da dierazi nahi dituzun ideiak nagusiak papertxo batean IDAZTEA.
Lehenengo iritzia eman, honetarako esamolde hauek erabil ditzakezu:
- Nire iritziz futbola kirolarik onena da.
- Nire ustez futbola kirolarik onena da.
- Nik uste dut futbola kirolarik onena dela.
- Ez dut uste futbola kirolarik onena denik.
- Nire iritzia futbola kirolarik onena dela da.
- Futbola kirolarik onena dela pentsatzen dut .
- Futbola kirolarik onena dela iruditzen zait.
- Futbola kirolarik onena dela deritzot.
- Oso interesgarria delako.
- Interesgarria da eta.
- Interesgarria baita.
- Kirol arrakastatsua izateagatik pentsatzen dut hori.
- Hasteko, gure ustean beti ari zarete guri kopiatu nahian...
- Batetik,
- Alde batetik,
- Lehenik,
- Lehenik eta behin
- Gainera...
- Ez hori bakarrik...
- Horretaz aparte...
- Horretaz gain...
- Segitzeko,
- Bestetik,
- Bestalde,
- Bigarrenik,
- Hirugarrenik,
- Beraz...
- Laburbilduz...
- Bukatzeko...
- Amaitzeko...
- Azkenik...
- Guzti hau esan eta gero garbi dago...
- Horregatik,
- Laburbilduz,
- Hau dela eta
- Ados nago...
- Ez nago ados Jokinek esandakoarekin.
- Primeran iruditzen zait...
- Bat nator Amaiak esandakoarekin...
- Ez nator bat...
- Mikelek arrazoia du hau esaten duenean...
Oroitu: zure arrazoiak gero eta txukunago, zure arrazoia orduan eta handiago!
Testua bidali aurretik ERREPASA EZAZU ortografia akatsak nahiz hanka sartzeak topatzeko. Pentsa ezazu beste batzuk irakurri behar dutela zuk idatzitakoa! Zer iruditu zaizu gida hau?